Anullohet rituali i Haxhit 2020
Njoftim i Komunitetit Mysliman të Shqipërisë në lidhje me Haxhin 2020
Njoftim i Komunitetit Mysliman të Shqipërisë në lidhje me Haxhin 2020
Të nderuar besimtarë, veçanërisht ju të cilët kishit bërë nijetin për Haxh këtë vit, sipas vendimit të marrë nga Ministria e Haxhit në Mbretërinë e Arabisë Saudite, ju njoftojmë me keqardhje se këtë vit ky ritual është anulluar si pasojë e masave të marra për shkak të parandalimit të Pandemisë COVID-19!
Sipas njoftimit të autoriteteve organizative, këtë vit ritualin e haxhit do ta kryejnë vetëm personat që ndodhen brenda territorit të Arabisë Saudite.
Ministria e Haxhit ka gjykuar se kjo masë është e domosdoshme për parandalimin e përhapjes së mëtejshme të virusit COVID-19, i cili deri më tani është përhapur në mbi 180 vende të ndryshme të botës.
Nisur nga ky vendim zyrtar i autoriteteve të Arabisë Saudite, Zyra e Haxhit pranë Komunitetit Mysliman të Shqipërisë nuk do të kryejë asnjë procedurë në lidhje me Haxhin për vitin 2020.
E lusim Allahun e Madhëruar t’jua pranojë si ardhurim të kryer nijetin për Haxh të secilit prej jush.
Gjithashtu të lutemi të gjithë së bashku Allahut që kjo situatë të kalojë sa më shpejt.
