Lajme nga DibraLajmi i funditMatPërditshmëri

Megaoperacioni i antidrogës në Mat, gjykata vendos për 14 të arrestuarit

Share

Gjykata e Matit këtë të dielë ka dhënë vendimin për 14 të arrestuarit në të operacionit të anti-drogës “Kepi i Vozajve”.

Sipas burimeve, gjykata ka vendosur masën arrest me burg për 10 të arrestuarit dhe arrest shtëpie për 4 prej tyre.

Togat e zeza caktuan masën e “arrestit me burg” për shtetasit; Gëzim, Vilson, Idajet, Lezan, Mehmet, Albert, Agim dhe gestian Koleci, Fatjon Doda dhe Rasim Gjeuka, ndërsa në arrest shtëpie shtetasit Gazmir Gjeçuka, Esat Kolecit dhe Asim Hespapas.

Sipas policisë, organizator i kësaj veprimtarie kriminale është Gëzim Koleci, me detyrë kryetar i fshatit Lam i Madh, i cili organizonte punën për kultivimin e bimëve, dhe më pas gjetje e tregut që e siguronte nëpërmjet djemve të tij.

Po sipas informacioneve nga policia, të gjithë të arrestuarit janë pjesë e së njëjtës familje.

Ata janë përgjegjës për të paktën 5 episode të kultivimit dhe posedimit të drogës. Sipas policisë bëhet fjalë për një aksion të hetuar që nga viti 2019 përmes përgjimeve, ku është përfshirë edhe Prokuroria.

Konkretisht, janë identifikuar e asgjësuar nga policia këto raste: Më datë 27.09.2019, janë konstatuar gjithësej 89 bimë. Më datë 01.10.2019, janë konstatuar gjithësej 95 bimë. Më datë 04.09.2020, janë konstatuar gjithësej 99 bimë. Më datë 15.09.2020, janë konstatuar gjithësej 61 bimë. Më datë 17.09.2020, janë konstatuar gjithësej 188 bimë, si dhe janë konstatuar 3633 bimë në proces tharje./albeu.com/

Një kafe nga ju!

Back to top button