Panik dhe frikë! Banorët e Kievit ikin nga kryeqyteti ukrainas pas sulmeve me raketa
Me nisjen e bombardimeve të para në Ukrainë, banorët e Kievit kanë nisur të braktisin qytetin. Presidenti rus, Vladimir Putin njoftoi operacionin ushtarak në Ukrainë në orën 5:55 të mëngjesit me orën e Moskës, dhe vetëm pak minuta më vonë u lëshuan raketat e para në Ukrainë.
Në kryeqytetin e Kievit, një sirenë emergjente është ndezur dhe fotografitë tregojnë trafik makinash që bllokojnë një autostradë, ndërsa njerëzit largohen nga qyteti, shkruan BBC.
Dëshmitë në rrjetet sociale flasin për një ndjenjë paniku në rritje, me disa që thonë se ata po dërgohen me nxitim në strehimoret e bombave dhe në bodrume. Pamjet televizive kanë treguar njerëz duke u lutur në rrugë, të grumbulluar në grupe.
Gazetari i Guardian Luke Harding në Kiev thotë në Twitter se ka pak njerëz në rrugë, pasi ata janë në radhë në makinat e parave të gatshme.
