Pasoja katastrofike në miliona njerëz, çfarë do të ndodhte nëse Putin do të përdoret armët bërthamore
Kërkuesit e universitetit të Princtonin në bashkëpunim me Programin për Shkencë dhe Siguri Botërore kanë realizuar një simulim të frikshëm. Modeli është prezantuar për herë të parë në vitin 2017, ndërsa është rikthyer sërish në vëmendje për shkak të situatës të tensionuar në botë, sipas Daily Mail.
Sipas këtij parashikimi, në vetëm 5 orë do të humbnin jetën të paktën 34 milionë persona.
“Plani A” është emëruar videoja rreth 4 minuta, e cila ka si qëllim të nënvizojë pasojat katastrofike të mundshme që do të sillte një konflikt mes Rusisë dhe vendeve të NATO-s.
Modeli, i bazuar mbi të dhënat zyrtare mbi vendndodhjen e armëve bërthamore, objektivat, parashikon miliona viktima vetëm në orët e para të një konflikti të tillë bërthamor. Mbi 59 milionë njerëz të tjerë do të plagoseshin, pa llogaritur këtu dhe ata që do të vdesin nga rrezatimi.
Simulimi mund të duket në vetvete si shumë shqetësues, por mund të përdoret nga qeveritë e vendeve të ndryshme për të hartuar plane dhe për të informuar popullin se si mund t’i mbijetojnë një sulmi. Sulmi nis brenda kontekstit të armëve konvencionale, që do të thotë një konflikt jobërthamor.
Sipas tij, Rusia lëshon një raketë paralajmëruese nga baza pranë Kaliningradit në drejtim të Detit të Zi për të ndalur avancimin e NATO-s, e cila më pas hakmerret me një sulm ajror taktik.
Më pas, Rusia dërgon 300 koka bërthamore drejt bazave të NATO-s dhe trupave që avancojnë në Europë përmes avionëve apo raketave me rreze të shkurtër veprimi. Aleanca e Atlantikut verior më pas do të kundërpërgjigjet me 180 bomba bërthamore të lëshuara nga avionët, raporton abcnews.al.
Në këtë moment, viktimat vlerësohen të jenë mbi 2.6 milionë, ndërkohë që në një periudhë prej 3 orësh pjesa më e madhe e Europës do të jetë e shkatërruar. Për shkak të kësaj, NATO do të reagojë përmes SHBA-së dhe flotës së nëndetëseve duke nisur 600 koka bërthamore në një sulm nuklear strategjik.
Rusia, nga ana tjetër, për të mos lejuar që arsenali i saj të shkatërrohet do të lëshojë të gjitha raketat që ka në dispozicion nga nëndetëset dhe bazat ushtarake. Sipas parashikimit, do të ketë të paktën 3.5 milionë viktima në këtë fazë të luftës që do të zgjaste 45 minuta.
Në fazën finale të konfliktit të dyja palët do të vinin në shënjestër 30 qytetet më të populluara të njëra-tjetrës për të lëshuar drejt tyre nga 5 deri në 10 raketa bërthamore. Një lëvizje e tillë do të nënkuptonte dhe 85 milionë viktima e të lënduar në një hapësirë kohore pre 45 minutash.
Source link /abcnews.al
Një kafe nga ju!
