Aktualitet dhe LajmeLajme nga DibraPërditshmëriPersonalitetePolitikëShqipëria

Premtim Kryemadhi u drejtohet mesuesve dhe kolegëve:

Mësues, kolegë të nderuar!
Tashmë e keni mësuar se jam në garë për kreun e bashkisë Dibër në zgjedhjet e pjesshme lokale të datës 6 Mars.
Me pjesën më të madhe nga ju kemi punuar në shkollat e Dibrës duke filluar nga Lura e bukurive natyrore, në Maqellarë, Melan e Peshkopi.
Me ju punuam bashkë kur drejtova Drejtorinë Arsimore Rajonale për 5 vite (2005-2010).
E drejtuam këtë institucion të rëndësishëm së bashku me kolegët tanë profesionist e të përkushtuar si Hajdar Poliçi, Blerim Lazimi, Rajmonda Mera, Bashkim Hoxha, Liljana Kallaverja, Fari Piperku, Albert Kojku, Pajtim Veliu e shumë të tjerë të cilëve ju kërkoj ndjesë që nuk po i përmend.
Së bashku me drejtuesit e shkollave dhe mësuesit e përkushtuar shënuam mjaft arritje:
– Me shumë përkushtim administruam Maturën Shtetërore në vitet e para të saj.
– Dërguam kabinetet e informatikës dhe internetin edhe në shkollat më të largëta.
– Dyfishimi i pagave për mësuesit dhe drejtuesit e shkollave rriti përgjegjësinë e tyre ndaj procesit.
– Zhdukëm fenomenin e mitmarrjes në emërimin e mësuesve dhe drejtuesve.
Këto e shumë të tjera arritje përmirësuan ndjeshëm imazhin e institucioneve arsimore dhe lartësuan figurën e mësuesit.
Si kolegë, kërkoj besimin tuaj që së bashku të vazhdojmë të mbështesim institucionet arsimore në Dibër. Duke qenë njëri nga ju, jam njohës i mirë i problemeve në përditshmërinë tuaj.
Infrastruktura në institucionet arsimore është faktor i rëndësishëm që ndikon drejtpërdrejt në përmbajtje.
Perkushtimi im në krye të bashkisë, për modernizimin e kushteve tuaja të punës, do të jetë i përditshëm.
Transparenca e planifikimit të buxhetit për arsimin është detyrim ligjor që do të respektohet për çdo qindarkë të shpenzuar.
Planifikimi i buxhetit sipas formulës “për nxënës”, e parashikua në ligj nuk u zbatua kurrë.
Kjo vëmendje e munguar, madje jo ligjore bën që sot në institucionet arsimore të kemi probleme të shumta infrastrukturore si probleme me ngrohjen, me furnizimin me ujë, me nyjet hidro sanitare, me mungesën e paisjeve dhe kabineteve e shumë të tjera.
Kolegë të nderuar thirja ime per ju është:
Të gjithë së bashku edhe me njerëzit tuaj të afërm në datën 6 Mars të drejtohemi në qendrat e votimit.
Indiferenca nuk është zgjidhje.
Në qendrën e votimit, të lëmë për një moment mënjanë bindjet dhe preferencat politike dhe me mendje të kthjellët, duke njohur 4 kandidatët në garë, të votojmë për kandidatin që mendojmë se do të menaxhojë e administrojë më mirë shërbimet ndaj qytetarëve e në mënyrë të veçantë ndaj institucioneve arsimore në Dibër.
Ju uroj shëndet të plotë për ju dhe familjarët tuaj si dhe punë të mbarë në misionin fisnik!

Admini webit

Menaxher i rrjeteve sociale në Dibër dhe jo vetëm ! Guider turistik Fotograf i lirë ...! Bloger

Related Articles

Back to top button
%d bloggers like this: