Aktualitet dhe LajmeLajme nga DibraLajmi i funditPërditshmëriShqipëria

Radhë e madhe për miell në Dibër, tregtari: Deri tani nuk e kemi rritur çmimin

Lufta që po zhvillohet në Ukrainë dhe mundësia e një krize globale, ka bërë që të krijohet pasiguri edhe në vendin tonë.

Duke qenë se dy shtetet e përfshira në luftë Ukraina dhe Rusia janë furnizuesit më të mëdhenj me grurë, një pjesë të të cilit e eksportojnë edhe në vendin tonë, qytetarët dyshojnë se rezervat mund të mbarohen.

Në këto kushte ditët e fundit është parë një dyndje në pikat e tregtimit të miellit në të gjitha qytetet e vendit. Edhe në Dibër, situata është e njëjtë.

Qytetarët po krijojnë rezerva mielli duke blerë më shumë se zakonisht. Robert Tomçini, një prej tregtarëve të miellit, thotë se ditët e fundit kërkesat për miell kanë ardhur në rritje. Nga ana tjetër, çmimi ende nuk ka ndonjë ndryshim të madh, ndërsa pritet që rritja të jetë në ditët në vijim.

Tregtarët shprehen se ka një tendencë në rritje të çmimit të miellit, për shkak të luftës mes dy sheteve më prodhuese të grurit në botë.

“Për momentin nuk ka rritje, ka tentativa për një diferencë të vogël, 1 mijë lekë, 2 mijë lekë të vjetra. Ne deri në momentin që do të mbarojmë rezerva, do të vazhdojmë me të njëjtat çmime”./lajmifundit.al/

 

Admini webit

Menaxher i rrjeteve sociale në Dibër dhe jo vetëm ! Guider turistik Fotograf i lirë ...! Bloger

Related Articles

Back to top button
%d bloggers like this: