SPAK zbarkon në Dibër, shoqërohen 2 inspektorë të Zyrës Arsimore dhe financieri i Këshillit të Qarkut

DIBËR

Oficerët e SPAK kanë zbarkuar këtë të martë në Zyrën Vendore Arsimore Dibër dhe Këshillin e Qarkut Dibër. Ende nuk ka informacion se cila është çështja që SPAK ka shkuar pranë këtyre institucioneve, ndërsa mësohet se po verifikojnë një sërë dokumentacionesh.

Burime bëjnë me dije se deri tani janë shoqëruar në komisariatin e Dibrës 3 zyrtarë, dy inspektor të ZVA-s dhe financieri i Këshillit të Qarkut.

Nuk dihet nëse këta persona kanë të njëjtën çështje të cilën po e heton SPAK apo janë çështje të ndryshme, ndërsa detaje të reja pritet të zbardhen në orët në vijim.

(BalkanWeb)